Ачаалж байна...
Хүүхдийн амьдардаг бүс болон насны бүлгийг сонгоно уу. Хүчин төгөлдөр мөрдөж буй Гэр бүлийн тухай хуулиар тогтоох сарын тэтгэлгийн хэмжээ болон 2027 оны 1 дүгээр сарын 1-нээс гарах өөрчлөлтийг эндээс тооцож харах боломжтой.
Анхаарах зүйл: Эцсийн дүнг шүүх шийдвэрлэх бөгөөд энэхүү тооцоолуур нь хуульд заасан жишиг болон доод хэмжээг харуулна.
2026 оны 12 дугаар сарын 31 хүртэлх сарын тэтгэлэг
Сард нийт: 271,850₮
11 хүртэлх насны хүүхдэд тухайн бүс нутгийн амьжиргааны доод түвшний 50 хувиар, 11–16 насны (суралцаж байгаа бол 18 нас хүртэл) болон хөдөлмөрийн чадваргүй насанд хүрсэн хүүхдэд амьжиргааны доод түвшинтэй тэнцэх хэмжээгээр тогтооно.
Амьжиргааны доод түвшин, Улаанбаатар: сард 543,700₮ (Үндэсний статистикийн хорооны даргын 2026 оны 1 дүгээр сарын 19-ний А/11 тушаал).
Амьжиргааны доод түвшнийг жил бүр шинэчлэн тогтоодог.
Шүүх хүүхдийн тэтгэлгийг Засгийн газраас баталсан аргачлалын дагуу төлөгчийн орлого, эд хөрөнгө, хүүхдийн нас, хэрэгцээ, хүүхдийн тоо болон уулзалтын хуваарийг харгалзан тогтооно. Энэ дүн нь хүүхдийн оршин суугаа бүс нутгийн амьжиргааны доод түвшнээс (өнөөдрийн байдлаар сард 543,700₮) багагүй байх ёстой.
Эцэг, эх нь тэжээн тэтгэх гэрээ байгуулж, хүүхдийн тэтгэлгийн хэмжээг харилцан тохиролцон нотариатаар гэрчлүүлж болно.
40.1.Хүүхдэд олгох тэтгэлгийг түүний насны байдлыг харгалзан сард нэг хүүхдэд дараахь хэмжээгээр тогтооно:
40.1.1. 11 хүртэлх насны хүүхдэд тухайн бүс нутагт тогтоогдсон амьжиргааны доод түвшингийн 50 хувиар;
40.1.2. 11-16 нас /суралцаж байгаа бол 18 нас/-тай болон насанд хүрсэн боловч хөдөлмөрийн чадваргүй хүүхдэд амьжиргааны доод түвшингийн хэмжээгээр.
40.2.Зөвхөн цалин хөлснөөс өөр орлогогүй хариуцагчаас гаргуулах хүүхдийн тэтгэлгийн хэмжээ нь түүний сарын цалин хөлс, түүнтэй адилтгах орлогын 50 хувиас хэтэрч болохгүй.
46.3.Энэ хуулийн 46.1-д заасан тэтгэлгийн хэмжээ тэтгэлэг авагчийн оршин сууж байгаа бүс нутагт тогтоогдсон амьжиргааны доод түвшингийн хэмжээнээс багагүй байна.